شاركنا تجربة شراء آيفون 4 من الإتصالات السعودية
تحديث: و هذه إضافة قيمة من الأخ فهد:
- حسب موظف فرع فلسطين المقابل لمستشفى د.سليمان فقيه فإن عدد الأجهزة التي وصلت للشركة ١٩٠٠٠ آيفون
- الجهاز متاح للجميع بباقة البيسك المفوترة أما باقتي إكسترا وبريميوم فهي لعملاء التميز الذهبي والماسي فقط
- يمكنك إصدار رقم جديد أو إضافة الباقة على رقم سابق لك مع الإتصالات السعودية
- الجهاز بسعة ١٦ جيجا انتهى من أغلب فروع جدة قبل الظهر
- سمعت الموظف يقول لأحد العملاء أنه سيتحمل شرط جزائي إذا ألغى الخدمة التي عليها الآيفون قبل انتهى السنة لكني لم أعرف ما هو
- العدد المسموح به للشخص الواحد جهازين فقط
- سبقة الدفع يتوقعون أن تصبح متاحة بعد شهر من الآن
ستبدأ فروع شركة الإتصالات السعودية ببيع iPhone 4 بشكل رسمي يوم الأحد. و مثل موضوع مشابه لشركة موبايلي نتمنى منكم مشاركة تجربة شراء الجهاز من STC في هذا الموضوع.
أول مشاركة هي ملاحظة من الأخ عبدالله حيث توقع أن تسجيل الإسم في موقع STC يعني الحجز و هو غير صحيح لأنه حسب رسالة الشركة: ضمان الحصول على الأجهزة يعتمد على وقت تشرفنا بزيارتكم.
صورة من فرع STC العليا في الرياض من تصوير Tamer:
تحديث ٢ من الأخ تامر: الدخول كان الساعة ٨ تماما وكان منظم والاعداد حول المائة شخص. بقى لنا ٢٠ دقيقة وارى اول مشتري .. كان في مشاكل في النظام.
تحديث ٣ من الأخ تامر: الاعداد تتكاثر قاربت على المئتان وفات ساعة تقريبا ولم يستلم سوى ٨ وشخصان فقط من يقومو بالمهمة. باسلوب القمع لا يوجد خطوط مسبقة الدفع فقط موفوترة وباقة بيسك فقط .. خد وانت ساكت او روح بيتك.
تحديث من الأخ عصام: اخذتلي ايفون 4 بس قالوا عشانك تميز فضي مالك الا باقة بيسك ماتاخذ اكسترا الا اذا كنت ذهبي هذا بند مو مكتوب في الاعلانات.
إعلان شركة الإتصالات للآيفون 4 لم يشمل أي بند بخصوص الباقات و هو خطأ فادح وقعت فيه موبايلي أيضاً.
تحديث من أحمد و هو أيضاً مستاء من قائمة الحجز: قصدك تقول إذا تبي تعرف كيف شركة الاتصالات تضحك على عملائها بوضع قائمة حجز لا يتم العمل بها فهذا شي معروف مسبقاً.
تحديث من ماجد يتحدث عن قلة الكميات: اليوم على ساعة ٨:٣٠ كنت عند موبايلي و شركة الاتصالات و كلهم قالوا الايفون خلاص خلال نصف ساعة.
و من تجربة وائل: لما سأل الموظف ليه كل هالوقت؟قال إنه الآيفون بيجي من شركة داخل شركة الإتصالات وأعطاني وصف كلمة “شركة مبطنة”ب عشان لا تتخربط الأمور.
هل يقصد شركة SALE التي تبيع الآيفون بشكل غير رسمي؟. بإمكانك قراءة تجربة وائل في هذا الموضوع.
ما هي تجربتك في شراء الآيفون؟
بإمكانك متابعة كاتب الموضوع على تويتر @khaled.
النسخة الإنجليزية من هذا الموضوع في الإصدار الإنجليزي من موقع سعودي ماك.
لآخر العروض المجانية تابع @saudimac_free على تويتر و لآخر عروض التوفير تابع @saudimac_offers. و للمزيد من الأخبار تابع موقع سعودي ماك على تويتر و في فيسبوك. شكراً.
لا تنسى زيارة موقع نريد أبل رسميا في السعودية – We Want Apple Saudi Arabia.
عن الكاتب
صالح العلي
والله للأسف , نزل الايفون لديهم لكن ريحة الكذب فايحة .
طبعاً على كلامهم في الاعلانات والبطيخ , إنه في كاش , وثلاثة أقسام في التقسيط , طبعاً الحاصل في الشركة انه لايوجد كاش , وفقط نوع واحد التقسيط الي هو تدفع 1800 ريال كدفعة أولى على 16 جيجا .
كذلك قضية الحجز صارت خرطي .
أنا لاتغضبني شركات الاتصالات لاننا انكوينا منها , مايغضبني هيئة الاتصالات وين هي عن التلاعبات الصايرة , فعلاً إذا الرقيب نائم ,لاترجي خير من الشركات .
meshGM
لعلمك ان هيئة الاتصالات تعلم بكل هالامور وتصفق لهم ايضا ..
Khalid
اخوي في ناس قالوا انه مسبق الدفع مو الحين
عشان لا يصير زي موبايلي
الاجهزة خلصت كلها في يومين وفجأة تلقى نص الاجهزة بالسوق باسعار مبالغ فيها
عشان كذا بالبداية بيكون حق المفوتر
اما الباقات طبيعي مو اي احد ياخذ الباقة اللي تعجبه
الناس العاديين او الجدد ياخذوا اول باقة وبس
اما اكسترا و بريميوم للعملاء المميزين او الذهبيين
alraqi
يا اخوان الي يبي يشتريه فيه حل سهل
لاتروحون الشركه روحوا المكاتب الي تابعه لها الي باسم الجوال لان متوفر عندهم وهم صادقين لو حجزت دقوا عليك
انا الحمد لله خذيت 32 قيقا بكل سهوله ولا اي معرفه
اتمنى التوفيق للجميع
خالد
يا جماعة 5 دقائق فقط وحصلت على الايفون من ينبع الصناعية ليش الافتراء على الشركة يعني عاجبكم سرقة موظفي موبايلي والسوق الوسدواء اللي انشاؤها بسببال سحب الاجهزة من قبل اصدقائهم واعوانهم وبيعه ب 3700 و3800 ويقولك موظفي موبايلي ويتممن عليك انتهت الاجهزة وفي المحلات جنب الفرع تلاقي من نفس الفرع …العمولات والنصب معا ضد موبايلي عالم من النصب
خالد عبدالرحمن
كل فرع و كل موظف و كل عميل لهم تجربة مختلفة
Said
صباح الخير
اذا في امكانية احد يأكد لنا موضوع الباقات
هل كلها متوفره ولا مسبق الدفع فقط
شكرا
مهندس
الاتصالات شركة معروفه بالكذب والمراوغه فبعد طول انتظار طلعت تقول التسجيل بالموقع كان للإشعار فقط وليس للحجز . سبحان الله لمتى يستمر مسلسل الاستخفاف بعقول الناس . اصلا الي صافين طابور هذولا مع حترامي الشديد لهم كانو مارين بنفس الطريق شافو ناس واقفين قامو صفو معاهم ماعرفو ان الي صافين اول هم موظفين بالاتصالات للفت الانتباه لا اكثر . في الاخير اقول للخلف در يا شركة الاتصالات والخطوط السعوديه وضيف معهم العجوز الكهرباء
حسام
يا اخي الآيفون ٥ قرب ينزل وانتم ما زلتم تعلنون عن الآيفون ٤ ؟!!
مشعل
والله انك صادق ياحسام هههههه الايفون ٥ بينزل قريب بعد شهرين تقريبا والاتصالات السعودية فرحانه بالايفون ٤
راحت عليكم يالاتصالات السعودية سبقتكم موبايلي في الطرح
الحظ مدنقر
منقهررررررررره حدي …..
اخوي له سسساعتين واقف رايح يشتري جهاز لي وبالنهايه قالوا مفوتر ……………….شششركه فااااااااشله والله يأخذكم واحد ورى الثاني ……من جد صدق الاخ بينزل الــ5 وللحين هم ع الاربعه
Hatem
انا شريته من فرع الغدير مخرج 5
رقمي 13 وكان أخر حبه ايفون 16G
وماكان فيه تنظيم في الدخول ابدا، ما كأني لصقت في الباب بعض ما فغصوني هههههه
Daghriry
مستحيل الاتصالات تقدم شيء بدون كلمة ” باقة “
خالد
يا اخي كل العالم بتقدم الايفون باقات شوف المصدر اممريكا محتكرته شكرة at&t والان الي نزل على فيرزون ايش تبغون يوزعيونة مجانا
سين جيم
المهم هل هو مقفل أو مفتوح على كل الشرائح أرجو إفادتنا عاجلا
محمد
لا مفتوح على كل الشرايح
ترى حتى اجهزه موبايلي مقتوحه على كل الشرايح
اصلا ابل ما دخلت بعقد رسمي الا مع at&t و الحين الشركه الجديدهVerizon
محمد
ليش ٣٢ مو متوفر ؟؟
Abu Akram
شريناة من برا من اول مانزل وعزينا روحنا ولا تذلنا موبايلي و Stc
ابو نواف
اللي فهمته انه مقفل لانه مافيه الا مفوتر وغير كذا اقساط يعني يخصم المبلغ من الفاتورة كل شهر89 ريال لمدة سنة يعني لازم تكون الشريحة stc
صح والا انا غلطان؟
Mohammed07
بالنسبه للباقات ..
المشكله موجوده في الاتصالات وموبايلي
يعني ما تقدر تاخذ الا اقل باقه واذا تبي اعلى باقه لازم تكون عميل راقي او تميز ..
اتوقع الحجز ممنوع من الشركه الام لان موبايلي سوت الحجز في الثري جي اس بس ما سوته في الفور ..
نقص الكميات مشكلة من ابل ليست من الاتصالات او موبايلي ..
التعامل (زفت) من الشركتين بخصوص الايفون فقط يعني موضف موبايلي يتكلم من راس خشمه تقول متفضل عليك والاتصالات نفس الفكره ..
في النهاية انا اعجبت بفكره منع مسبق الدفع الفتره الحالية عشان ما تمتلي الاجهزه عند المرسلات وحنا نروح وطي ..
خالد عبدالرحمن
أبل لم تمنع الحجز
موبايلي و الاتصالات فشلوا في توفير آلية مناسبة للحجز
ايفون 4 stc
انا اؤيد فكرة حجب الباقة مسبقة الدفع ومن وجهة نظري طريقة تسويق رائعة
لان الشركة تبغى تكسب عملاء ولو فتحت مسبق الدفع
كان خلصت الاجهزة من اول ساعة وبدل ما هو 1900 يصير 3500
عابر القارات
شوفوا إلى اى درجة وصلت السرقه ما نعين مسبق الدفع ويقولون انه راح يطلع بعد شهرين لأنهم مو وجهة نظرى يبغون يحصلون على اموال اكثر
ممدوح
انا اليوم رحت من الصبح على فرع شارع فلسطين مع تقاطع الستين
ولما وصلت قالولي خلص وسجل اسمك في ورقة ورقم تلفونك ورحت وعلى الساعة 2 الظهر اتصلوبي وقالو تعال عقب صلاة العصر مباشرة ولما جيت قالولي استنى الين ساعة بدأو يوزعو الجوالات ولما جا دوري قالت له ابي باقة اكسترا قالي هذي للعملاء المميزين فقط ومالك الا تدفع 2300 ريال وتاخذ لك واحد والا اقضب الباب ولا مسبقة الدفع ولا الخرابيط قلت له والبروشور اللي طابعينة ؟ قالي هذي اوامر عليا قلت له هات البطاقة ومسكت الباب ورحت شريتلي نوكيا ان 7
فردوس
اليوم اشتريت آيفون لأختي ، و كان 16 جيجا مخلص بعد العشاء ، فما فرقت لأنو كان طلبنا 32 و الحمد لله إجراءآت بسيطة و سلموني الآيفون ، كان عدد الناس حوالي 50 شخص منتظر الآيفون و عاملين أرقام للطلب بس الناس خايفة تخلص عليهم و ما يلاقو !
و فعلا بس الباقة الموجودة هي البيسك ،
تحلف انهم يوزعون
أنا أخذت رقم الساعة ٨:٣٠ مساء من الفرع الرئيسي وراحت و خلصت اشغالي و رجعة ع الساعة ١٠:٢٠ كان الدور باقي شوي و يوصلني واخذت الجهاز ولله الحمد ، طبعا تجربي اعتبرها ممتازه عند باقي التجارب الماساويه ، و ما يخفى عليكم سوء التنظيم و عدم وضوح الشغله، لكن لفت انتباهي تعاون الموظفين اللي مساكين مالهم دخل بسوء التنظيم .
شخبط شخابيط
التعامل مع مثل هذه المؤسسات التي لا تحترم العميل يعتبر إهانة للنفس البشرية.
دائماً أنصح اللي يبي آيفون يشتريه من خارج المملكة.. خصوصا اللي عند موبايلي والاتصالات “اللصوصية” ما فيه فيس تايم FaceTime
مشعل
اقول ياشباب عزوا انفسكم ولاتذلونها لموبايلي والا شركة الانفصالات هههههههههه روح المرسلات زود على قيمتهم ثلاثمائة ريال وريح مخك وراسك واشتره وانت مبسوط ماهو تجلس ثلاث او اربع ساعات وفي الاخير يقولون لك مافي لا انت اللي اشتريت ولا انت اللي رحت وخلصت اشغالك
هاه
ياريت تقول لنا يا مشعل وين المرسلات هذي؟
فادي
وين المرسلات اللي تقصده؟؟
رائد
اليوم من الصباح رحت فرع الفناتير في الجبيل وقالوا لي اليوم ماوصلنا ولا جهاز… يمكن العصر ويمكن بكرة.
ورحت فرع الحويلات وقالي نفس الكلام…. رجعت لهم العصر وقالوا ما وصل.. يمكن بكرة.
والله مسخرة
ahmed
ارحم من موبايلي……اسأل مجرب
ahmed
عموما أبل عندها نقص في العرض و هذي من خططهم التسويقية في العالم ….يجذبون جميع المستهلكين حتى اللي مايحتاج الجاهاز…..اذكيااا
stc وبس
شيء ايجابي من الاتصالات توفير الجهاز
على الاقل غطت احتياجات الكثير
بعد ان ظلت موبايلي محتكرته وتبيعه في السوق السوداء
ايفون 4
افضل شيء يالاتصالات سويتيها
لكن بقى توفير الاجهزة وتوزيعها
لان في الايام الاولى راح يحدث ازدحام غير عادي
فادي
سلام.. من فضلكم كيف احصل على جهاز الايفون 4 تبع الاتصالات..لأن قالو لي تسجل اسمك وجوالك بالمنتدى ولا شفت شي !!
وحتى يقولو لازم تعرف احد بالاتصالات ..واسطة . عشان تاخذ!! هل هذا صحيح ؟؟
ارجو منكم اخباري // جزاكم الله خيرا …
محمد
ما يحتاج واسطة اللهم صف بدري قبل الناس علشان لا تخلص الدفعة
فيس تايم
صح موبايلي فشلت لانها شركة من الاساس فاشلة اما الاتصالات مانقدر نحكم عليها ولسى الجهاز نازل بالبداية الواحد يجرب وبعدين يحكم وانا متاكد انة مميز وجدا رائع
وائل
كل الآيفونات مفوترة..لا يوجد حجز..
يوجد ايفونات ١٦ و ٣٢ في جدة حتى الاسبوع القادم
وأكد لي مدير الفرع ذلك!
تقدر تحول باقة زيرو بلس .. حتنتدمج رسوم الايفون مع رسوم الخدمة وكدا تكون وفرت قيمة الباقة!
شكراً لك مستر خالد 🙂
Mahdi
يعني لو عندي “زيرو بلس” واشتريت ايفون باقة البريميوم ،هل تنحذف عني رسوم الاشتراك الشهري للأيفون الي هي 369 ريال
مع العلم فاتورتي العادية تتعدى 1000 ريال .
فؤاد
لقد استطاع شركة الاتصالات السعودية ان تقدم الاي فون بالشكل المناسب للجميع ، حيث ان هذا الجهاز يتميز بعدة مميزات واستطاعت الاتصالات بان تجعل هذا الجهاز اكثر تمييزاً عن غيره ، ويتميز بشاشته التي تعمل بتقنية Retina™ المذهلة بوضوحها الفائق الأعلى من نوعه لجهاز جوال على الإطلاق، إضافة إلى الكاميرا بدقة 5 ميجابيكسل والمزودة بضوء فلاش من نوع LED يمكن الكاميرا من التقاط الصور وتسجيل الفيديو في ظروف الإضاءة الليلية بشكل أكثر وضوحا، وإمكانية تسجيل الفيديو عالي الوضوح.
ومن أهم الإضافات التي يجلبها iphone 4 نظام التشغيل الجديد iOS 4 الذي يقدم إمكانية تشغيل أكثر من برنامج معاً، كما يعتمد الجهاز على معالج A4 المطور من قبل أبل، والذي يتضمن أكثر من 100 ميزة جديدة. ويتألق هذا الهاتف الذكي بتصميمه من الزجاج والاستينلس ستيل الذي يجعله يختلف بحدة عن جميع الأجهزة الذكية الموجودة بالسوق حالياً.
PrinGles
السلام عليكم اخوي فؤاد .. بما انك ما شاء الله عليك عندك خبرة بالايفون ومعلومات موسعه عنه ممكن تفيدني وتفيد الاشخاص اللي مثلي بالمعلومات اللي عندك .. انا قررت اني اشتري ايفون بعد ما قريت كلامك لاني من قبل كنت متردد من الكلام اللي سمعته بان استخدامه صعب ومنيب قادر اتعود عليه بسرعه وفيه تعليق اذا جاك خلاص ما تقدر تسوي شيء .. غير انهم كانوا يقولون الدعم الفني حقه في موبايلي مهوب زين وشروط تصليح الجهاز عندهم تعجيزيه وممكن اي شيء تسويه من تنزيل برامج او تغير شريحة يلغي الضمان حقك .. وهذا الشيء اللي كان مخوفني ولا خلاني اشتري ايفون .. فاذا تسمح لي استفيد شوي من المعلومات اللي عندك واستفسر عن بعض الاستفسارات الي تهمني وكانت مانعتني اشتري الجهاز.
1- نظام الضمان حق الاتصالات هل هو ممتاز وتنصح فيه؟ .. ولا يتم الغائه مثل ضمان موبايلي بمجرد انك حبيت تستفيد من الجهاز وتحمل بعض البرامج المفيده .. وهل قسم الصيانه عند الاتصالات السعوديه عندهم الخبره الكافيه بإصلاح الاجهزه خاصه وانهم ما بدوا يبيعون الجهاز الا قبل ايام معدودة .. فهل جودة الصيانه عندهم بتقارن بموبايلي ؟ .. وشيء ثاني يهمني بالصيانه جدا هل تعاملهم محترم وخدومين او فيهم شوفة نفس ويحاولون يصرفونك مثل ما سمعنا عن الصيانه عند موبايلي.
2- وش فيه عندهم الوان غير الاسود .. لاني شفته كثير منتشر غير انه ما اعجبني وودي بلون يكون مميز او على الاقل مهوب منتشر .. وافضل لو يكون عندكم لونعنابي غامق مثل لون اجهزة السوني اريكسون .. او رصاصي مطفي بيكون شكله بنظري افضل من الاسود اللي تعودنا عليه .. فاذا كانك تعرف وشي الالوان اللي توفرها الاتصالات السعوديه للاجهزة الايفون.
3- هل اذا شريت الجهاز من الاتصالات السعوديه يعلموني طريقة استخدامه وينزلون لي عليه البرامج المهمه والضروريه مجانا؟ .. او لازم ادفع زياده علشان انزل برامج؟ .. لاني زي ما قلت لك على حسب ما قريت بالنت ان تحميل البرامج يلغي الضمان وانا خايف من هالشيء .. وودي انهم هم يسوونها لي بنفسهم علشان ما ينلغي الضمان حقي ولعد اقدر اصلحه.
4- هل فيه فرق بين اجهزة الاتصالات واجهزة موبايلي؟ .. خاصه ان شركة الاتصالات شركة كبر وموجودة بالسوق مدة اكثر .. فهل اضافوا مميزات او خصائص جديدة للجهاز موبايلي ما اضفتها لمستخدمين الايفون؟
5- انا سمعت من احد الاصدقاء انك تقدر تسوي مكالمات محليه او دوليه مجانا بالايفون! .. فهل هذي المعلومة صحيحة واقدر اكلم على كيفي بدون ما تحسب علي اي مبالغ اضافيه؟ .. لانه هو جهازه من موبايلي ووراني كيف يتصل على اخوه برا السعوديه ببلاش .. فما ادري اذا كانت الاتصالات السعوديه تقدر هذا العرض المميز او لا. الشغله الثانيه نفس الصديق اللي قالي عن المكالمات المجانيه قالي اني اقدر ارسل حتى رسايل مجانيه لاي جوال في العالم وبسهوله اللهم اني احط مفتاح الدولة قبل الرقم بس .. فهل الاتصالات السعوديه تدعم هذه الخدمه او لا؟
6- انا قريت بالموضوع انه ما يدعم خدمة الفيس تايم .. هل تتوقع لو كلمتهم وانا عميل تميز عندهم انهم ممكن يفعلونها لي ولا لا؟
بالنسبة للمعالج A4 انا قرأت في بعض المواقع انه فيه بعض المشاكل .. منها انه يسبب بعض اللاق بالجهاز .. وغير انه احيانا يسبب مشاكل بالاتصال بالانترنت ويأثر في وضوح الشاشه اذا ارتفعت درجة الحرارة مثل الصيف عندنا .. فهل فيه طريقة انه يتم تعديل المعالج او تغيره لنسخة افضل عن طريق الاتصالت السعوديه؟ .. لانه اداء الجهاز مع جونا يهمني وما ودي انه يتاثر بسبة معالج يحتوي على بعض الاخطاء الفنية.
واعتذر على الاطالة .. وانتظر ردك ععلى استفساراتي .. لاني متحمس على الجهاز بس متردد اشتريه واتوهق مثل الي اخذوه قبلي.
MOOOON75
وصلني انه حيكون الفيس تايم مفتوح في الاتصالات
وغيره في موصفات افضل من موبايلي
وائل يار
الكلام غير صحيح .. الجهاز معي ولا يوجد به فيس تايم.
بوهزاع
ياشباب كم قيمة الاي فون 4 ال16 وال32 عندكم بالمملكه ؟؟!!
عندنا في بوظبي صعب تحصله لانه يجي كميات ويخلص بسرعه لكن ممكن تحصله من بعض الموزعين بسرعه بس بسعر عالي شوي
مثلا في اتصالات عندنا ال16ب 2150 البيسك وايجاره الشهري 99 درهم واذا تريد تفصل الباقه تدفع 300 درهم بينما تحصله برع مع الموزعين وفي ناس نعرفهم تحصله ب 3500درهم وبسهوله مع انه غالي شوي بس تريح راسك لان في اتصالات التلفونات مايردون ولازم تروح كل يوم واذا سالته متي بيجي يقلك كا اعرف راجعنا يعني انسئ,,,
اما ال32 برع تحصله ب 3800 وبعض الاماكن باربعه
محمد احمد الزهراني
هل الايفون 4الابيض متوفر حاليا في فروع اس تي سي بجدة
أميره
السلام عليكم … حبيت أسأل كيف أسجل وأشتري أيفون 4 من شركة الإتصالات واذا ماتوفر عندهم هل يوجد بكل سهوله في المملكه ..وبسعره المحدد….؟؟ وشكرا
فادي
اذا حصلتي علمين ..!!
faisal
شركة لايوجد لديها مصداقيه في التعامل
كل خدماتها مبنيه علي التحايل والنصب
هيثم
يآ إخوآن شصآر معآكم,,,
نزل مسبق الدفع ولالا؟؟ ومتى إن شآء الله بينزل؟؟
وهل مسبق الدفع في موبآيلي موجود آلحين ولالا؟؟
فادي
وانا معـــك انتظر من يأتي بالمعلومات يفيدنا ..
rfo3h
انا أبي مسبق الدفع وين أحصله ؟ ومتى ينزل في الاتصآلآت ؟
الأمل
الحين ابغى احد يقوللي اي احسن الموبايلي مسبقة الدفع او الاتصالات وابغى اعرف بعد اذا كان مؤكد نزول او اصدار ايفون 5 او بس اشاعات علشان اذا بينزل ما نشتري 4 من اصل ، ارجو الرد بسررررررررررررعة
الأمل
الحين ابغى احد يقوللي اي احسن الموبايلي مسبقة الدفع او الاتصالات وابغى اعرف بعد اذا كان مؤكد نزول او اصدار ايفون 5 او بس اشاعات علشان اذا بينزل ما نشتري 4 من اصل ، ارجو الرد بسررررررررررررعة
soosoo
اقوووووووووووووووووووووووووووووووووول ..
خليكم من الايفووووووووووون واشترووووووا بلالاك بيري تووووووووووووووووووووورشششش ازييييييييين شي بالدنننيييييييااااااااااااا
عبدالله
مرحبا ياجماعة الخير …
حدا يشرحلي طريقة الحصول على الايفون 4 من الاتصالات السعودية !! بالاقساط وكم الدفعة الأولى ؟؟ وشهو مو ضوع الباقات هي ؟؟؟؟
العسيري
ياأخوان نصيحة لاأحد يأخذ ايفون من الاتصالات لانهم والله نصابين انا اخذت ايفون 32 وجلس معي حدود ثلاثة اشهر وحصل عندي عطل بسيط الي هو ان الشاشة تبقا مولعة على طول وارسلة ضمان stcوبعد يومين اتصلت الصيانة وقالو ان الضمان التغى لاني وديتة لصيانة اخرى وانا والله ماوديتة ومستخدمة انا استخدام شخصي لاكن والله ماينصبون علي وانا ابوعلي لااداعيهم حتى لو توصل المقام السامي
نيبال
هههههههههههههه ياحبيبي انت وياه وش تبغون بوجع الراس اذا ماعندك فلوس جمع فلوسك واشتري وااحد بكل كرامتك
افضل الاتصلات معروفه ماتعطي شي الى بمقابل – فيعمي انت وياه ريح راسك واشتري بحر مالك ارجلك